CESURES-CHINA (Libro CD)

 

Velaquí a agarimosa introdución que fai Pedro a esta reedición ampliada deste vello artefacto chamado Cesures-China. Vaia por diante o meu amor a Pedro e a Antonio por ese afán habelencioso que poñen en todo o que tocan. E, como non, a Ramón, a Roque, a Nacho e a Víctor por acompañarme nesta aventura improvisada que tanta vida nos dá. Podedes escoitar ou descargar a música a través do QR.

Hai máis de 20 anos tiven o privilexio de poñer sons a uns poemas de Lois que escribira uns anos antes, despois da morte dos seus pais en moi pouco tempo.

Unhas antigas fotos de China teceron unha imposible historia familiar que prendeu en cesures-china.

Cando fomos á fundación Guilherme Coussul de Lisboa a presentar os poemas musicados, ben acompañados de Ramón na guitarra, produciuse un silencio apabullante que se prolongou un tempo tras a actuación. Nunca soubemos se triunfou o fracasou, mais que importa...

Máis tarde sumóuse Antonio e actuamos no CGAC co gallo do Día Internacional da Poesía.

Recentemente, Antonio orquestrou maxistralmente os poemas sobre a base da composición para piano. 

Camaradas adhoquianos, da tribo celena, filllos de aldea, celebremos a revolución da primavera, do renacer destes marabillosos versos, retumban ghranadas en cada bico, e despois só fica o silencio.

Pedro Lamas / Ad-Hoc, marzo de 2025